Saturday, October 22, 2005

• 定啲嚟唔駛驚(yet)

  明報篇報導有好多人睇過，不過佢所用觀點其實有漏洞嗰噃。

  第一，報導指中東書院唔同其他大學社區學院或附屬學院，唔係由所屬大學頒授文憑，所以未必可以透過互認框架去取得其他大學承認。

  先唔理何文滙澄清，倘若咁樣真係有問題的話，明愛白英奇、明愛徐誠斌、恒生商學院、IVE 課程又點算？佢地冇所屬大學嗰喎！

  於是篇報導用左第二個觀點，指中東不屬於香港專上學院持續教育聯盟。所以其他大學可以唔承認佢學生學歷。

  此話一出，更好笑漏洞就出現左。唔明發生乜事？

  「因為你冇加入工會，而所有同行都加入左工會，所以我地唔認你係同行。」

  明白未？佢地只係響度屈中東書院交入會費！根本所有社區書院都係營商機構，明報篇野只不過係工會響度逼迫非工會同業。

  大家只不過係因為篇報導響明報登又有埋記者個名俾人去找晦氣就信到十足十，其實佢行文方式同八婆周刊非常相近。引述何文滙同其他社區學院院長言論方式亦都有充足空間去斷章取義，如果響蘋果登你估你仲信唔信呢呵。

  再加上中東書院其一間連校舍都要06年10月先完成學校。依D paper works豪多兩年俾佢搞又何妨？就當妳／你其實想Year 1 就跳出去，豪一年俾佢地啦，拎住1st sem 成績又去得邊呢？

  同學們定啲嚟喎！

  • 11:58 PM
  • 20 views
  • 2 eprops
  • 1 comment