| 三個星期無返小組啦好耐冇返小組啦~應該已經有三個星期啦
崇拜都減少左(仲要訓過籠, 遲大到), 呢排又密左去兒童崇拜, 更加少落左
之前終於fight到下星期唔洗返星期五、六既夜晚
但遍遍有音樂會, 冇左小組時間
上星期日有活動, 去唔到兒童崇拜長會
今個星期日下晝要返工, 去唔到一個月先得一次既街頭佈道
下星期日全日要帶活動, 所以只可以夜晚join職青人食晚飯, 同去星期六既音樂會(冇小組lu)
再下星期日公司暑假結束活動, 又返唔到崇拜, 聽唔到講座,
希望fight到星期五、六晚唔洗返工, 可以返教會,不過難度都幾高.
就黎變普通朋友啦, 唔想返唔到
上司就走, 十日冇五日返工, 一大堆report冇人打
一大堆數字未跑到, 一堆堆活動要處理同跟進.
一星期有三日返12-13個鐘, 其實我唔覺太累,
除左為責任而做, 其實我都想做好呢堆豬頭骨
我一開始做呢份工係為左見證神, 到今日我都係咁諗.
雖然曾經有段時間覺得除左上帝support我,
我都好似只係得自己一個咁(尤其冇小組返開頭),
但我知道親近神唔係去一個四面牆既地方唱下歌, 祈下禱咁表面, 而係用生命活佢出黎
所以我覺得自己盡力做好每件事都好重要
能夠做活動帶得好, 教班時教得好, 我都已經好感恩.
尋日有同事問我, 上司要走, 我一個人負責咁多野, 連決定灌都係我手, 係咪滿足感好大
我只係答左句:「手板眼見工夫, 人人都做得黎」
冇錯, 做得好, 我都多謝上帝, (比著我以前, 我實覺得成功, 係因為自己能力高)
但一路既經歷, 我更睇到好多時, 如果唔係佢出手幫我, 我唔會做得到.
好似教一d進階班咁, 我本身都只係training既時候, 用十零廿個鐘頭學左基礎野,
我就要自己睇教材教細路.用lego砌車, 用一套programme寫程式, 對我黎講唔容易架.
但感謝上帝, 學野總算快上手, 以前讀書有programme學, 對著新野, 即使唔識, 感覺上都叫做好D (感謝上帝既塑造)
同細路相處、對話係一門學問, 教細路學野又係一門學問,
又係上帝出手幫我解難, 雖然緊有蝦碌場面, 但好幾次, 應該話次次我都可以順利搞得掂.
上帝唔單只睇住我, 我係呢份工作亦吸收左好多經驗.
其他同我同職位既, 都未必可以好似我咁, 有咁好既經歷.
今日中心單位既上司問,黎緊一季搵我教班有冇信心
仲叫我可以自己安排教班既事
一方面, 中心只有我可以教班, 但另一方面, 單位上司明知program蝕緊本都搞,
我知上司係肯定我能力, 而且上帝又俾機會我做好見證同學野啦!
P.S.:當然男朋友收左工, 咁辛苦都黎接收工, 仲等我成粒鐘, 我都好多謝佢成日support我架!!~ =]
|
