Monday, July 02, 2007

• 今日係２００７年７月２日，真正返工前gei一晚，我要好好咁回顧一下我上一個星期gei體驗：

  上個星期一，６月２５日，我地一班係QE做HO gei，一早黎到HR部搞手續，填左好多表同埋影相做staff card，知道自己要做H2，admission ward，之後gei節目就係返ward跟依家做緊gei師兄師姐學野。哈哈，H2兩個Housemen都係之前SSM跟過，Helen同Kammy，所以一開始都唔會話唔熟怕羞咁。

  星期二，照跟Helen同Kammy，到5點，因為約左tiger食飯，所以留夜少少直接去旺角，Helen就將我交左俾屋仔。途中竟然遇到陳醫生(我SSM時識gei一位surgeon)，佢話佢遲d會轉去UC長做，太好啦，我一月都會去UC Surgery，到時就有個照應啦～～去到G4搵屋仔，佢男ward call，勁好人，係咁想教我野，不過唔知點解係咁俾人call，好多野做，所以我地分左d野黎做，做完都差唔多要走lu。之後同tiger食左我好喜歡食gei香港仔魚蛋粉，食我成日食都唔厭gei豬軟骨河加炸魚皮，又平又好味呀！！！

  星期三，上午所有人Surgery 新HO見Dr. Chia，終於有機會見一見我兩位Partners一面，事關佢地都係早我地半年開始，所以呢一個星期pre-intern就見唔到佢地。兩個都係CU gei，都幾nice，一個叫Joshua，一個叫Dawn。係個Briefing，Dr Chia都有叫我地唔好做d fatal mistakes，如type and screen唔好label錯，tourniquet用完一定要除，好驚呀，好驚會做錯，因為一錯就無工做架。。。。。。。。

  星期四，QE大orientation，任何一水有QE都要黎，講真，都幾悶，中間都有忍唔住恰左一陣，不過有位法醫黎左大show佢d珍藏相，嘩，嘆為觀止呀，只可惜之前overrun得太多，所以好多都係只睇相，唔講解。

  星期五，今日Helen請左我食lunch呀，好開心，由於佢唔使再幫人做埋uro d野，佢心情勁好，又不停咁教我野，想將佢所有功力都傳俾我。仲有，我收購左佢gei雪櫃，＄３５０，用左半年咋，都算幾大個，佢仲加送埋個焗爐俾我，好抵呀～～～

  經過一個星期gei attachment，好快就到左六月三十日，我要由何善衡搬到去QE，好在有tiger幫手，仲有媽咪，阿B，細佬同一個壯丁係QE幫手執房，我地大約7點走，唔返屋企食，去左食壽司！！！呢一個係我最後一日係學生gei身分lu，唉，好老tim。。。。。。。

  7月1日&7月2日 公眾假期，所以只係on call gei先要返，都唔知係好彩定唔好彩，我兩日都唔使返，所以返左屋企陪下家人，同daddy mammy去左飲茶行街，好開心！今日本來早左返宿舍，打算好好咁收拾一下間房，但係好無energy呀，一個人係間房真係好悶，所以執房都執得慢d。頭先同左tiger係下面canteen食dinner。原來佢公司黎QE好近，行路三四個字到，所以佢可以得閒黎同下我食飯。

  食完飯，返到宿舍，忍唔住要explore一下呢度，見到有ping pong ball枱，有電視房，有電腦房(i am here now)，都唔錯，um，都坐左係呢度好耐，今晚要早d瞓，好好迎接聽日第一日gei工作！！！！！

  • 10:42 PM
  • 1 view
  • 2 eprops
  • 1 comment