尋晚人事部開OT 後o既破壞力--- 公司2部既影印機 + 1部printer 壞左....

現況: 勞動3名維修人員努力搶救中!!!

真係好誇張....

心理衛生會繼上次問題比賽後又一力作: 慈善保齡球比賽................

點解又係人事部去參加???

保齡球呢樣野留番比o的高層玩啦....

滴汗 .....

因為OT, 今晚o既堂又再miss 左..... 就o黎被black list喇><

下晝同祺傾左一陣電話, 雖然講o既野都好衰, 不過都知係安慰我o既說話 ^^

Please don't go to this place anymore, it's really makes me feel annoying!!!

30.09.2008  7A 活動!!!!

晚上放工後去幫主家玩~~ 買晒食物後諗住好開心咁上去, 點知..... 幫主被佢家姐整蠱喇... 哈哈哈!!有鎖匙但都入唔到屋... 最後大夥兒去樓下公園坐, 好似夜青咁... 係呢個環境下, 肥中就係咁踏入佢o既生日~~~好在後來個問題都settle 左, 上去玩wii, 玩啤牌, 玩潛烏龜&   棉胎~~ 每次都係幫主同Sam o既對決~~ 到 3am 終於齊人可以同9月10月o既babiesssssss 慶祝生日~~ 係度玩, 係度傾計咁就天光喇! 照舊去飲早茶, 係問責制o既情況地下, 真係唔敢亂叫食物....  好想去Vivian 間屋玩呀!! 幾時先可以成行呢???

24.09.08

上Daniel 堂o既一日, 上完呢一堂之後, 10月只係番一個星期三, 再等11月番多2堂就完, 咁就完左一科?? 真係好快!!

25.09.08

今日到Dr. Ann o既堂, 2篇journal + 1個book report 可以如期完成. 今次係講Freud, 雖然自己唔buy 佢0個套, 但係今日做book report時發現最熟o既theory竟然係佢0個個…. 不過好認同亞之講, Advanced skills 教o既野一o的都唔Advance, 好似係一個review 多o的, 不過比以前係有好多practice o既機會.

另外, 係公司發生好感恩o既事, 一o的system 上o既問題, 原本諗住要用多2-3個鐘去將做左o既野再做多次, 但感謝主, 奇蹟o既事先係原本個record 無被delete 到, 可以多幾個鐘做~~~ 連同事都覺得神奇, 因為係未試過無試~!!! 0個日餘下o既時間真係開心到飄飄然~~

26.09.08

HAPPY FRIDAY!!

上司 + 一班經理北上工作, 個感覺即時free左~ 晚上同Aub, 大Kon & 羅生食韓燒@新高麗苑, 平時會同同事去0個度食lunch, 韓燒就第一次, 食左好多薯仔同魚仔, 羨慕死o的同事, 哈哈~~ 之後去左飲野@The Barn!!! 玩左好多野, 呢一晚運氣都叫唔錯吧, 2,4,5 都比我叫中~~ 呢幾日好開心, 好有以前番學咁, 約出o黎玩, 好正!!! 幾時搞BBQ呢??? (唔好再問我人選o既問題…)

27.09.08

朝早番教會幫Letty 栽培, 好欣賞佢認真咁查經同背金句~~~ 開組時, Kam o既敬拜帶得好好, 比以前進步左好多, 睇得出你係好落 “力”去帶~~ 而Mandy 亦帶話語帶得唔錯, 好用心o既去預備, 睇到組員咁認真+用心去服侍真係好感動~~ 係ice break 時玩左個中英文拍七, 玩到癲左, 一定要教卓小姐玩!! 晚夜食飯延續開組時o既爆笑, 生日會?? 謝組長宴?? 包McDonald一齊開?? 好多歡樂o既一天~~

28.09.08

久違了的星期日晚上!! 真係唔知幾多個月無係星期日同屋企食飯, 尋晚同佢地一齊去左 “西環碼頭”食飯, 6個餸, 其中有2個係海鮮, 埋單個價都唔貴, 抵食~~ 我估屋企之後會再去0個度食~~

29.09.08 今日又係一個free o既日子, 上司請半晝假, ,再加半晝出去做野~~ 今朝番工見到一個人, 佢係一年前係我地其中一個話題,一年後竟然比我見到, 成程車不停咁留意佢, 要證實一下就咪真係, 哈哈~~好大膽咁望住佢, 等佢落車忍唔住打send sms 比Queenie 要confirm 一下, BINGO!! 大家(連我自己)都奇怪, 點解可以未見過面就認得出佢!!! 覺得自己好勁!!

尋晚約左Que 同Jan 食飯, 期間有人受唔到林峰 o既引誘, 最後大家都係上左Jan 屋企睇大結局, 感覺好寫意晚~