2006年12月28日，22:30，觀塘裕民坊麥記

終於，此項計劃兩大主腦人就到時間開會。

雖則之前大家已經係電話裡頭傾過無數次，但某個主腦堅持認為要大家面對面開會傾談，並且要將一切共識用白紙黑字記錄在案才算數，導致十二月尾到唔尾既呢個時刻先正式開會做野。

大概兩個小時的高峰會議，相信真正用係傾談節目內容上的時間不足一個鐘，其餘的時間應該都係兩個麻甩仔係度細訴彼此各自的感情問題。好在之前大家已經係電話裡頭傾得七七八八，所以未至於空手而回。

係呢一個鐘內，兩位主腦除左為節目定名、定下節目的長度、內容之外，仲進行左偉大的簽約儀式。

自此呢個project有了名字、有了靈魂。佢再唔係叫做"Podcast Project" 咁簡單，呢個節目叫《屋村仔圍威喂》，而呢個節目既主持人就係----

阿生同子華。

兩個麻甩屋村仔，一個負責創作，一個負責製作。

而呢個節目既預產期係，2007年1月6日星期六晚上，希望大家多多支持！

呢份就係我地稱之為合約既東西，可惜封面已經被Shake Shake薯條的油跡整污糟左>.<

而呢份合約既內容當然就係我地節目既餡啦！