詰說今午一時左右, 奶奶打電話給我, 聲調慌張地告訴有人致電給她, 謂因為家貓欠他們5萬元正, 所以趁他到內地工幹時綁架了他. 並要兩老立刻按他們指示, 準備5萬元存到指定銀行.

我一聽已經覺得非常不妥, 首先是在我認知的範圍內, 只有人欠家貓錢, 他一定一定不會欠人錢 ; 其次是最重要的地方 - 他怎會連5萬元都沒有!!!!! 四手HSBC都唔止啦!!!!!!!

其實奶奶都覺得有點狀況, 但電話另一廂竟然知家貓的名字, 兼且據奶奶形容, 那把正在哭泣並自稱是家貓的男人的聲線, 和正版的聲線十分相似. 登時令兩老心情七上八落, 不知所措. 自稱綁匪並且不准奶奶收線, 兼要兩老的手電號碼, 等他的指示.

幸好奶奶一直有觀看警訊, 雖心情慌亂, 但她都知道必須求證事實. 於是她一邊拖延著他, 一邊衝去管理處. 先把手電收在信箱內, 之後靜悄悄致電給我, 吩咐我致電家貓看個究竟.

 

最後當然不用說, 家貓其實一直都在公司, 他甚至忙到連飯都來不及吃. 更遑論他在內地給人"標心"!!!!!
結果是我即刻回電給奶奶, 知道一切都是子虛烏有之後, 兩老才放下心頭大石, 並立刻切線. 幸好兩老並沒有存錢給他們, 否則真是氣死我們!!!!!

 

雖然此事可謂笑話一則, 但兩老已給嚇得魂不附體, 此為其一. 而整件事最令家貓傷心的是 - 原來他只值五萬元, 非常之CHEAP.

 

藉此事希望大家警惕, 如家中有老人家, 小心這類欺詐電話.

估唔到"伯化"星史郎會令到大家咁沮喪. 正所謂"一不離二, 二不離三". 再介紹兩套奪命經典"杰作".

 

 

當年唔知點解係屋企附近間家庭式租帶店, 竟然有此片租看, 仲要係有中文字幕!!!(明顯係台版)
其實當年我仍然係小學生, 但對此片印象極深刻. 無他既, 因為太難睇, 感覺有點被"昆水".

如果當年係呢個封面,我就唔會上當.

 

而且餅帶好花, 中段仲鬆郁曚. 小朋友梗冇咩耐性, 咁花既畫面+悶爆既拍攝手法, 所以我係係半夢半醒之間睇晒呢套戲.

 

 

女主角係當年清純女星石原真理子. 非常sorry, 佢飾演響子真係毫無冇說服力. 我完全唔覺得佢邊忽靚, 正確d黎謂唔係醜, 最弊係平凡過唔平凡. 轉眼間你唔會記得佢. (粗眉既問題就算啦, 當年興嘛)

裕作(石黑賢)與七尾(河合美智子)

而男主角係性格演員石黑賢. 雖然而家既佢男人味濃郁, 個樣都幾ok. 但作為處男電影, 片中佢既演出頗生硬青澀, 樣貌仲要係同而家分別不大, 好聽d就係襟老, 但個陣時佢得20歲仔, 即係... .... 真係唔知係好事定壞事.

 

石黑賢(左一), 伊武雅刀(左二)

 

至於其餘人真係唔係好識, 除左飾演四谷既伊武雅刀, 演技派既佢演出當然冇問題, 但就嫌佢對眼太精靈同太靚仔, 氣質外型都唔及07版既岸部一德.

此片係選取女主角方面, 已經係一個大敗筆, 最大件事係導演澤井信一郎點解可以拍套咁悶既戲. 全片喋喋不休, 又冇任何幽默位 (爛gag就好多)每個人都係行行企企, 又唔突出每個角色既特性. 連最能衝擊男女主角關係既重要人物三鷹瞬都冇係故事出現過, 就知出事了.

 

毫無意義既歌舞場面

 

最令我O咀係片末個段歌舞, 唔明點解會有呢場戲. 鏡頭一轉就話響子同裕作上床後打算 XX時 (唔好以為有野睇, 女主角係著住條及膝睡裙, 而男主角則著住條孖煙囪), 因為新年鐘聲令佢諗起前夫, 掩耳大叫. 跟住最後一個SHOT係響子同裕作講早晨, 好似咩事都冇發生過 - THE END.

 

咁究竟係發生咩事呢??

我都唔知道, 我淨係知配樂幾好聽. 而家睇番先知原來係久石讓既早年作品.

 

-----------------------------------------------------