Wednesday, March 19, 2008

• HKIFF無恥的開幕電影處理手法!

  今晚太憤怒了, 只有口語式的文字乎才能徹底表達我的怒火:
  
  今日我特登請早走兩個鐘, 聯同alex & audrey一齊睇5:45pm開幕電影"母親". 相信我地睇電影節咁耐, 從未發生過如此無恥安排, 我地三個真係嬲到爆!!!!!!!
  
  呢場飛已經賣貴過人 ($65兼冇任何discount), 又hold起左前排12行vip位 (但極少人坐), 但原來係好戲在後頭... ...
  
  最後出credit 個段係交代番片中其中一個空白位, 當局竟然... ...即刻開大燈播兼聲帶趕客!!!!!!!!
  內容係: VIP 就快D去酒會, 而其他觀眾就快D係後門走啦.
  
  但其實套戲係未完架!!!!! 佢地仲要無恥到cut 獨白聲帶!!!!!!!!三流戲院都不如!!!!!!!!!!!!!!!!
  就係因為咁, 全場人本來都好感動, 立即怒火中燒, 我個刻真係好想爆粗.
  而場中各人都對此咆哮怒斥!!!!!! 佢地先係最後一秒熄聲帶, 但一切都已經太遲.
  HKIFF 真係好羞家, 場中有不少外籍觀眾, 所以我聽到英文中文甚至日文既叫罵聲.
  
  hkiff 已經一蟹不如一蟹, 而家仲犯埋d唔應該犯既錯.唔尊重我地不特止, 仲對場外既導演山田洋次非常不敬. 個刻我希望佢早早離開.
  
  我地普通觀眾唔係人呀!!!!!!! 咁巴閉唔好公開售票呀!!!!!!!!!!
  
  嬲到我寫唔到影評, 聽日先再談電影如何.
  
  Shame on you!!!!! HKIFF !!!!!!!!!
  

  • 1:05 AM
  • 4 eprops
  • 2 comments