琴日冰窖熊比人叫左去食飯做陪客，意外咁見到幾位牧師，都係識左冰窖熊十幾年，算係睇住冰窖熊大既牧師。佢地猛叫冰窖熊出番黎事奉，努力面前，攪到冰窖熊有 D 唔識反應。畢竟比人屈左禁耐，睇左好多人性幽暗既野之後，正所謂曾經滄海，一講到事奉，冰窖熊真係有 D 怯。

過去半年經歷左咁多野，冰窖熊對人真係有 D 化。宜家越黎越明白，點解咁多人批評教會人事複雜，虛有其表。冰窖熊認識好多曾經受過傷害既基督徒，轉左去第二間教會之後，只係做 Sunday Christian 剩係星期日番崇拜，心態非常抽離，完全唔想投入，就係怕再受傷害，正所謂「一朝被蛇咬，十年怕草繩」，真係好驚嫁！

好彩冰窖熊身邊仲有好多位牧師同長輩，佢地唔單止明白、關心同體會冰窖熊既困窘，更不斷鼓勵支持冰窖熊一家，為我地祈禱。如果唔係佢地，冰窖熊都唔知會變成點。佢地比冰窖熊睇到一個希望：做人，特別係做基督徒，一定要有骨氣、義氣同勇氣，特別嚮深受自私自利文化薰陶既當代教會，我地比任何一個時代，更需要當路見不平既時候，願意拔刀相助既基督徒。因為，我地對人既慷慨，係可以叫人感受到：教會裡面係依然可以患難見真情既！

就係因為果班關心冰窖熊一家既牧師同長輩，重新燃點冰窖熊對教會既希望。所以，冰窖熊決定留低，要去參與建立一間真係「有情有義」既教會。因為，我地既主人耶穌，佢本身就係有情有義既典範。

今天是「五四運動」的八十九週年，是青年節。

當年列強強行瓜分中國，青年知識份子為了反抗霸權而勇敢地站起來，喚醒在極權封建文化中沉睡的中國，開展往後幾十年的火紅年代。八十九年後的今天，我們為「五四」添上更深一層的意義。

主啊！我深切的懇求，讓我體會主心腸；張開我眼睛，擴闊我胸懷，看見禾場的廣大。主啊！我深切的懇求，讓我愛主心所愛；十數億同胞，沉溺在罪中，等候福音的拯救。 復興我、裝備我、願獻生命為主用； 從今天永不再回頭，尋找骨肉之親到主再臨。

講「尋羊一萬」，當然離不開「深切的懇求」這首歌，「尋羊一萬」是牧人看見漫山遍野的失喪羊群時的回應，而「深切的懇求」則是牧人為了失喪羊群而願意委身、奉獻自己的愛歌。主啊！開我眼睛，闊我胸懷，讓我們能胸懷普世，看見禾場的廣大。復興我們，裝備我們，以至我們能為廣大禾場而獻身奮鬥。主啊！我們一眾門徒願意再次擺上，憑信心再上路：看主所看，聽主所聽，行主所行，建立一家真正實踐主愛、高舉聖經、以拯救靈魂為己任的教會，因為，你的慈愛是常存的，阿們。