呢個日記突然由日記變左周記潻.....無關係啦，今日補返之前o既~

上個星期日晚去左星光大道，o念住睇下劉德華個手印麻，點不知有萬七個人對住個手印又摸又影相wor，完全埋唔到身，o甘我無理由同人迫架，o甘肉酸....所以我決定左搵日早d去，個手印又唔會搬o既，等我到時又對佢又摸又影相先~~~~呵呵

尋日考埋第四科o刺~~唉，有題明知會考，所以前一晚有溫，o個朝又有溫，但係妖~~o個朝唔小心記多左少少其他野入腦，結果完全唔記得哂，都唔知係唔係路，結果一條廿分既long Q，寫左一板都無。哈，算，橫掂尋晚發夢，我科科都C，得account A(??)，最尾o個科都唔駛考啦，yeah~~~~

夜晚同florence，清海同亞昇去左尖沙咀間五十嵐食飯，超級唔好食，以後都唔駛再去o刺！不過我o係機舖發現左一個好開心o既game，就係串英文字o刺，係唔係好有益身心呢？！不過我地o係度怒煲都破唔到最高o個個人個紀錄，都唔知係唔係假o既，我地四個都已經好勁o架啦！唔高興呀！各位勁人朋友快ｄ同我去玩啦，我要煲爆佢呀，一定要！！