Weblog » Archives » September 2007

  • 今晚又出左旺角同法蘭西&阿詩食飯, 食美心Shabu Shabu,不錯. 食完去左b+ab睇衫, 跟住去左波鞋街睇運動褲, 就黎去學dancing啦, 好緊張添, 平時唱k跳都笑到傻左, 到時會係點既樣呢? 唔知點解次次我地3個走埋一齊, 就會有超勁既化學作用產生, 肯定會kai爆同笑到傻左. 頭先仲係度研究如果有錢我地幾個一齊搬出黎住, 肯定會玩到癲左, 仲會失晒聲. 今日去左攞袍啦, 但係吳先生仲未送畢業禮物比我. 既然法蘭…

  • 擒晚係吳先生屋企食完飯就去左飛鵝山, 原來夜晚既飛鵝山係甘恐怖架, 黑媽媽,咩都睇唔到, 又睇唔到路,都唔知點解吳先生仲ja到車, 又大霧bor,開左燈都睇唔路甘滯, 勁驚. 不過都有超多人泊左架車係度, 上飛鵝山dou左個圏就去左西頁食糖水, 個焦糖布甸超好食, 行左陣就去左九龍城買宵夜食, 超好味. 買左個變色青蛙燈籠玩, 比吳先生恥笑, 番到吳先生屋企, 又比吳媽媽笑, 我仲係小朋友黎架麻, 玩燈籠都唔係好過份者. 擒晚停左架車係…

  • 擒晚又去左新世紀同法蘭西&阿詩玩到癲左, 開頭阿詩未黎果時, 我同法蘭西完全點唔到歌, 1板都唔full, 係完全冇可能發生既事黎架麻. 阿詩一到,就即刻點晒小豬同Jolin d跳舞歌, 之前係youtube見到敎跳小豬既"真命天子", 我一跳就笑到法蘭西同阿詩傻左, 超犀利,跳"精舞門"有進步, 同法蘭西同阿詩唱k成日都有野學到, 之前學周杰倫唱rap, 而家學埋跳舞,yeah. 唱"以父之名",今次終於都"YOR"到啦, 中…

  • 小豬,小鬼,小鐘跳"忘情森巴舞", 笑死左.

  • 擒晚黃先生專登send msg比我話比我聽, 佢買左"不能說的祕密"既vcd, 我今日係樂富走果時, 係樂富商場路過vcd舖, 專登睇下有冇周杰倫既踪影, 見到即刻想衝入去買, 比吳先生捉住唔比我入去, 擾攘左好耐先買到, 可能果度既店員心裡面已經係度諗緊, 出面果2個kai子係度做緊咩. 其實買果時都係度諗緊, 甘平既,同埋點解冇box set, 不過都照買, 跟住就係度諗唔會出到旺角比我見到box set甘邪卦, 點知好不幸地見到了…

  • 超唔開心, 頭先先發覺原來DBS今日到期找數, 趕唔切用PPS交, 就落中銀提款機過數, 點知禁完個a/c no之後, 部機hang左, 頂,又食咭, 做咩今年成日食咭架, 之前食完東亞, 而家又食中銀, 甘我邊有錢洗呀, 灰爆.

  • 吳先生又想買多部電話, 勁想買i-phone, 佢除左係GB數大過我部PDA之外, 我真係完全唔覺得佢有咩特別, 吳先生又話中意Softbank果部電話, 我又覺得好醜樣, 唔知點解佢中意親果d電話我都真係覺得好樣衰, 吳先生話我係甘打擊佢wor, 我都係講出我既見解者, 甘都有錯? 去左新世紀食"百人一朱", 不錯不錯,豐富既一餐.

  • 擒晚同法蘭西去左新世紀唱k, 開心,Red Box真係不錯, 有超多我中意唱既歌, 又唱左好多未唱過既周杰倫既歌, "以父之名"超正, 我下次都會一齊"YO"架啦. "麥芽糖"裡面既"彈頭"真係好kai. 小豬真係靚仔得太過份, 法蘭西今次跳"舞孃"比我睇, 超勁,我同法蘭西都超想學跳舞. 勁多時間係我同法蘭西係度傾偈, 通常一隻歌只係唱得1,2分中, 有時傾到成隻歌都冇唱, 終於完成左心願, 搽住黑色指甲唱"浮誇",yeah. 呢排係…

  • 去了赤柱, 原來冇咩野行, 失望, 唯有求其影張相代表我去過啦. 另一得著就係係赤柱M記見到個靚仔crew, 靚仔版張敬軒, 搭小巴入去果時又見到靚鬼仔, 哈哈. 又搽左黑色指甲油, 弟弟見到問我係咪中左毒, 我係又中毒啦, 法蘭西係咪搽呀, 應該就黎比我玩完架啦, 要搽就快呀.

  • 都唔明d女人做咩成日搽香水, 搽得淡都算啦, 個個都搽到濃到阿媽都唔認得, 勁臭, 仲要朝朝早d女人番工一定搽 係呢個擠迫既巴士裡面, 簡直想謀殺我. 今朝仲慘, 居然有個女人搽d勁濃既香水入lift, shit,搞到我爭d抖唔到氣, 真係要毆打發明香水呢樣野果條友.

  • 晏晝諗住同吳先生出石硤尾食車仔面, 點知冇位, 去第二間佢話好食既, 都冇位, 退而求其次找間近既, 超難食, 點解果間野可以甘冇水準架, 今次係第3次食, 3次都係甘難食, 有冇搞錯. 決定聽日再去食過車仔面, 好幾個月無食, 好掛住. 讀完AD已經同吳先生講我要畢業龜既事, 由5月尾講到而家, 講左好幾個月, 吳先生就黎要就範啦, 仲有1個月我就可以擁有畢業龜啦, 哈哈. 我問吳先生我要龜仔定龜女好, 因為我覺得龜仔得意d, 吳先生…

  • 晏晝同吳先生係荷里活飲茶, 間酒樓都幾貴, 不過真係幾好食, 超少人, 但係環境不錯, 一d都唔嘈. 我問吳先生點解甘少人, 佢話因為d野食唔平, 同埋係度食野既人感覺都冇甘"立雜", 點知一到2點中,下午茶時段, 勁多人係度等位, 開始超嘈, 我即刻同吳先生話我地快d食完, 即刻走,因為d人既水準完全跌晒, 簡直同去左街市冇分別. 之後去左德福行街, 係IKEA玩, 又試床,又試梳化, 超開心, 我同吳先生都話第時一定要買個大大既…

  • 同吳先生行Sogo, 搭緊扶手電梯果時向後望, 見到個男仔有d似周杰倫, 之後都繼續向後望, 跟住比人用頭撞, 甘冇理由有靚仔唔望架麻.

  • 之前farewell Nicole的相 BC全體同人 Nicole & Me Yu, Nicole & Me