2/9/2006

同泰國旅行時認識的朋友食晚飯傾計，好開心!!!不過話題太集中在我身上了吧!!

之後去左watch電話......部Vodafone手機真係好靚，320萬像鏡頭，有mp4，仲只係$1750，真係好抵......不過而家部電話只係用左8個月又無爛，同埋要儲錢去旅行，只好忍耐一下......

跟住就去左飲野&看法國對格魯吉亞......點左兩杯Cocktail，一杯叫Around the world，另一杯叫Sunset，甜甜地易入口、酒精又唔高，只係$48，最適合心情好&同朋友傾計時飲，值得推介!!!

3/9/2006

訓醒都已經係下午四點......為左好好享受最後一日的暑期，就決定出去踢波!!!踢左2個幾hours，由於人數少，多數時間都係trainning......train 1 on 1、控波、走位......發覺認真trainning仲比踢比賽辛苦!!但為提升自己的能力，都要接受ga la~

跟住就去看巴西對阿根廷，但點都估唔到巴西可以嬴三球甘多......

返屋企就看「美女廚房」大結局的錄影......真係蘇玉華拿冠軍，但就估唔到官恩娜拿地獄廚神的稱號，因為我點都覺得fiona既廚藝同煮出來的食品仲嚇人la!! 看完甘多集「美女廚房」之後，我發覺女仔「入得廚房」與「出得廳堂」皆同樣重要，所以擇偶條件真係要加多一個，就係起碼要識煮返4、5樣拿手菜式!!不過最實際都係問廚神阿爸，然後自己學自己煮好了。