Saturday, July 12, 2008

•   又係時候回顧一週。

  星期六做左yoga然後去行銅鑼灣。唔知點解突然好想行銅鑼灣。結果又買左野啦下。呢個夏天真係好鍾意七彩野，幾廿歲人先鍾意d colourful野，証明我真係老啦。

  然後肥爆地試左M記芝麻新地，叫姐姐加花生佢竟然比左一杯仔我！我覺得呢個雪糕好好味呀！大穫。

  

  (原裝係無花生架！)

  星期日又係yoga日，開心！

  星期一.....去左邊呢......死啦，唔記得，應該無乜特別。

  星期二早上突然間audit，真係嚇死人！好彩無事發生，否則死梗啦。不過真係唔可以咁懶，要開始prepare好d文件o個d野，唔想次次先臨急抱佛腳。放工去左沙田食飯，又食峰sushi，真係好好味呀～！！

  星期三，yoga日。

  星期四，大雨到din左，點解咁都唔黑雨！已經著拖鞋返工，條裙又濕哂，仲打左幾個噴嚏，冷親就死！！放工去左又一城，我最愛既又一城！同埋去左我最近除左sushi突然愛上既super三文治！

  

  今日，我睇左赤壁！！兩個幾鐘，型！！！可是....到最後關頭竟出然「下回分解」！！！如果我響MK睇我諗D人已經講哂粗口！！但整體黎講都算OK既。

  未寫完，要訓啦！近日勁殘。BYEBYE。

  • 1:00 AM
  • 2 views
  • 0 eprops
  • 0 comments