| | 新聞｜逆向思維 !? 我成日覺得一樣米養百樣人，所以係大家齊心合力為四川災民打氣既同時，應該都會有人係唔支持救災既。係內地就有人係網上發佈假地震圖片而被捕，係香港都有唔同聲音的人（但真的有點 O 嘴）。前日睇網上新聞時，就發現呢一篇來自香港某女學生網誌上的個人言論：
四川大地震 成為全城熱話 世界各地已經捐左n咁多錢唻幫四川既"人" 點解無人肯捐比四川既熊貓?? 5.16 學校早會搞左個四川唔知咩 放左d片 有段 d人係咁喊 佢地喊到好似笑咁 搞到我笑左幾野 都幾大聲 之後比爸b 打左野XDD 但真係超好笑- -" 我對四川 真係可以講係 無感情 關我叉事咩？？ 我睇d新聞 仲可以笑得出 完全無覺得傷心 同情之類 何必搞到自己唔開心呢?? 咁唔開心法..咁打後果一星期 真係要喊哂口？？ 已經捐左咁多錢仲要我捐?? 你無野阿？？=] 自己都唔夠用 仲要比人用? 都痴痴地既XD 都係同賴曉傾得埋d XD 出禮堂門口 有2個男生 拎住個箱 個個都捐 我同賴曉都超high唔捐XD 原來 見其他人都捐 自己都唔捐係咁爽XD 個個都捐 多我一個唔多 少我一個唔少啦 唔捐都有 3萬6千以上 四川都發達tim啦 外國仲要用美元 歐元 英鎊 ?過唻人民幣 咩都夠啦係咪阿?? 大陸d野仲要咁平.. 咩都夠Q哂啦 點解無人理D 熊貓?? 熊貓國寶喎大佬 大過哂D 屍體啦 就唻絕種啦喎...仲唔理？ 第時D熊貓無哂你地好野.. OK 你可以話 D熊貓對我地唻講無用 D死屍夠無用啦 有屁用咩? 就算死唔去果D仲 爛手爛腳啦 對我地無影響囉唔該 D熊貓就唻絕種啦 佢地死哂點有下一代 中國點會有國寶? ( D熊貓生係中國真係ON MY GOD！ 四川D人有叉用咩？ 對社會無影響 係！ 有影響 呢家咪有影響囉 搞到d無謂錢嘔哂去d垃圾到 捐唻都O徙錢 不如唔好捐！！ ...... source news : http://news.sina.com.hk/cgi-bin/nw/show.cgi/238/3/1/741531/1.htmlblog comments : http://news.sina.com.hk/cgi-bin/vote/forum.cgi?action=result&id=117
後來此篇言論引起左好多網民既不滿，有人甚至罵佢『冷血』，佢知道事情鬧大左，最後作出道歉。
令又有一個志同道合既內地女仔：
究竟佢係咪冷血呢？我覺得唔係既，佢只係有唔同一般人既價值觀，將熊貓排左係人前面。佢咁關心熊貓，點會冷血！佢重超越左我地，關心熊貓多於自己既族類添！我真係望塵莫及阿！其實我覺得佢只係少不更事（加上嚴重缺乏家教，我係佢父母真係唔知點算），唔明白事情既嚴重性，同咩叫要為自己講過既野付責任。睇到佢之後既道歉，我覺得佢反倒似俾群眾逼出來先講既。
好啦，有人話，佢只係將自己既諗法係自己既網誌抒發出來姐，甘都唔得！？香港言論好似好自由，但係又好似唔係好自由，我初初真摸不著頭。但諗真 d，香港係有言論自由既，佢可以自由抒發自己既想法，反對既人都有自由抒發對佢既不滿（俗話說：媽叉佢），見到各大論壇都就此言論展開激烈既討論就知有幾自由啦，只係反對（那個女仔）聲大，支持聲少而已。難度覺得佢有問題唔講出來，掛住尊重而唔罵佢阿？咁佢點知自己錯？點知錯能改呢？其實鬧佢可能係對佢好。不過，網民既力量已經變得前所未有咁大，最尾搞到個女仔俾人起曬底，學校又知道，朋友又受影響，咁樣去搞亂人既生活就太過火了，搞到個女仔最尾屈服而道歉（個人認為）。
|
| | Posted 5/21/2008 2:04 AM - 620 views - 21 comments
- recommend
  - recs0
- give stars
- votes0
- share
- email
 - sent0
|
