©

25/8

朝早同pro 智去中央圖書館，係咁俾隔離o個個騷擾囉，仲衰過係屋企。食完飯報兩個 bio one-day course，希望有用啦，之後同pro 智，魚治，andrew 行科展，講真真係無乜野睇，難為 jon wong，kai 子，austin，edmund 要開足六日，每日朝九晚七，辛勞晒 ~ 聽云講佢拔尖之後d 同學俾晒d 野佢做，又好似聽過佢話會搞科展，去到果然見到佢，都有成年無見喇 ^^

26/8

呢日癡線，喪練 chopin sonata 第四個 movement，斷斷續續練五個鐘，諗番都嚇自己一跳。終於彈到兩頁半喇! 以前真係發夢都估唔到會彈到，練到手腕有少少痛，左手隻尾指都伸唔直，第一個movement 又退步。呀媽終於打去academic asia 度取消晒d appointment 喇，本來我仲有少少保留，依家唔洗煩lu，可以專心溫書，唔洗再練小提琴，鋼琴都可以彈番我想練o個d，會考炒就博matric，總之一定唔會去外國升學。

28/8

朝早補alan cheng o既 one-day course，發覺自己d chem 都幾廢，唉。。。之後同daisy 去 PCC 溫書，多謝你陪我半日，仲有多謝你張生日「卡」，好耐無收過lu (除o左上年chris 送o個張)。夜晚食russian 既燭光晚餐，話預祝我生日喎。哩餐真係好有娛樂性，個手風琴手太pro 喇，雖然睇唔到d 琴鍵，但係佢彈得仲快過我彈hugarian rhapsopy，個女仔唱歌又好聽，之後d 鬼妹又出晒去跳舞，又周圍搵人跳，蔚為奇觀。

ps 每次望到個header 都極度惶恐同不安，時間真係過得好快，但係惶恐同不安過後都唔會努力讀書，慶幸依家好似down  :)

ps 2 開學lu，以後每星期淨係可以用一次電腦，噫，仲有唔夠八個月就要考會考。。。