其實今次黎美國既主要目的係join 我星期六舉行既家姐個畢業典禮 所以呢幾兩日都係屋企度抖下 識應番個時差~ 今日我地又去左附近既一個shopping mall 度行下~ 呢度買野好得意~買完既野唔岩可以退番錢....... 我家姐就成日買完d 野 用兩下唔岩就拎番去退~ 呢個mall 雖然得一層 但行一個圈都要成兩個鐘............ 間間鋪頭都好大.......好似行極都行唔完咁.......... 今日仲買左少少手信添^^" 之後仲去左一個supermarket.......(再續, 好驚部電腦會hang 所以save 一下) --------------------------------------------------分隔線-------------------------------------------------------- 話說尋晚一save 完真係hang左~(真係好好彩 0.0) 咁到去到個supermarket 之後 周圍望下.....d 野樣樣都好鬼大件架.... 成日見個價錢牌 ......e 幾蚊咋喎 @@" (唔記得左係計美金) 原來係幾(廿)蚊囉~ 真係貴到飛起~所以買野都係要搵d 有特價既~ 行左一個圈~阿爸媽就最like 買生果, 橙呀, 士多啤利....咩都想買.... 家姐就買左d 野整沙律 , 之後仲買左一大塊肉排, 牛排.......聽晚我地整大餐~ 之後去買埋野飲.....呢度買野又係好得意 一pack 4支既野飲 本來係同一個味架嘛....... 你唔鍾意又可以自己換下~每支唔同味都得~俾錢個時又無人會理.....真係好自由架 0.0 之後揸番車 番屋企 等埋我家姐個男朋友就出去吃飯嚕~(佢男朋友都係香港人 唔係鬼黎架^^") 間餐廳都好近下 一陣就到嚕~叫Banana Leaf 食馬來西亞野架~嘩 勁多報紙賣過 應該都好好味~ 發生左一段小插曲.....其實無訂位都無咩問題啦 都係等一陣咋嘛 比起香港 成日都要等成粒鐘 呢度已好好喇~況且又唔係耐 咪咁勞氣啦~ 我地又叫好多野食呀 又串燒 又雞 又羊 又蟹 仲要好大隻添~ d 野食我影左少少相架~遲d upload 番啦^^" 睇番呢度原來都好大香港人係度 學生最多~行開行埋都係講廣東話既.......... 食完去左隔離間walmart (沃爾馬) 度行~同大陸個d 差唔多啦~都係咩都有得買..........(當然size 都係加大碼啦) 之後都番屋企喇~都成十一點幾喇~又係時候要訓了~ p.s.今日要整大餐 應該都會係屋企幫手整野~最多一陣去游下水(呢度有泳池架) 今晚食完再寫啦 [13/6 10:40am] | 
