呢幾次book籃球場都book唔返NP,QB,更加唔好講HKE,未成功過一次.

仲有三次免費室內籃球,QB一次(星期日朝早),CW2次(星期一,二夜晚),唔知D不容人會唔會話第二日要返工做藉口又或者太遠而唔出席.

暫時book左個幾月場,最難真係login果下.各位記住準時login,遲半秒(認真)都應該有排你refresh.就算俾你真係login到都應該冇乜場俾你揀.

如果大家想book羽毛球場俾人揀晒,可以試下灣仔區.有一次冇晒羽毛球場跟住我去灣仔區又搵到伊館仲有場.但最好唔好揀黃泥涌室內運動場,因為要入到跑馬地,相信都唔係咁方便.

星期六日下午12:00-15:00既網球場亦相對比較少人爭.大家唔怕太陽曬都可以試試.又或者果日好彩唔係冇乜太陽.

最難爭一定係籃球場,跟住就係羽毛球.咁耐以黎我都只係成功book到一次羽毛球場(因為我揀左籃球場).而且呢兩個場相對load既時間比較慢,大家唔好以為hang左.雖然呢排真係試過五六次明明login到但又話叫我重試又話有乜error又甚或乜叉timeout,搞到我準時login都冇用,真係雕距魯尾.

港島東區想book港島東既我勸你唔好試,我試親都冇乜好收場.話你個場俾人book左都算,佢hold你成分鐘跟住話執行唔到但到你有得揀時好多場都會俾人book晒.我都係因為咁先要book相對黎講比較遠既CW.

總之大家想book免費場,唯有跟住果個幾月都每日keep住好早起身.book唔到先再訓過.不過都係算啦,你訓多冇耐都要返工啦.

不過有時都好撚怕book完場d人話唔得閒.其實都冇計咁又冇得逼人地一定free.但book場果個都真係冇乜時間俾佢做決定(為自己辯護定先).咁辛苦先book到場,真係好想大家都出席到.當然遲d要返錢就冇咁辛苦.