明天就係我o既鋼琴比賽啦......

心情緊張.......

準備左成4-5個月.....

真係「台上一分鐘，台下十年功」！

仲要我首歌有成3分幾鐘，咪要三四十年功力????

我邊有咁多年功力喎....... 

所以呢~  明天都係要處之泰然啦~~

呵呵呵~~  自我安慰~~~

希望明天表演時，發揮到平時o既水準啦~

yeah~   咁就應該唔會差得去邊啦~

加油呀!!!!  努力呀!!!!

大家唔好問我比賽成績啦~  除非我主動話俾你地聽啦~

崩口人忌崩口碗~ 哈~

88~

今日打九號風球,

額外多左一日假

不過就要去學琴.....

同埋少左一堂琴教......

損失慘重......

唉.......

都唔知好定唔好啦~

9月頭又要出差啦~

又係去返蘇州~

帶d蘇州屎返黎啦~

上次7月中去蘇州,

曬到痴線...... 

好彩落足防曬,

冇曬黑o者~

不過皮膚差左好多.......

好大犧牲.....

但蘇州真係幾鬼靚~

而家仲諗緊好唔好再stay多幾日去旅行......

不過好大開支......

再算啦~

88

我之前係地球之友做過幾個月，估唔到2007本年報都有幾張本小姐o既相係入面~

http://www.foe.org.hk/uploaded_files/AR_2007.pdf

得閒就click入去睇睇啦~

忽然間都覺得自己幾威添~

哈哈哈~

可能係唯一o既得著卦.......

好過冇!!!!!

近排忽然間覺得，

我超級需要保養.....

所以.....

花左成萬元買左個facial 套餐.....

分兩年用，可以六個月免息分期，不過都係肉赤.....

唉~~~~

廿三歲啦，係時候..... 

可能算遲添呢~

希望真係有幫助啦~

我唔想老得咁快呀!!!!   >.<

今日仲係一田百貨洗左成千三蚊買衫！好開心~

扮靚o既感覺真係好呀~

抖到咁上下，要搵朋友仔啦~

慢慢約返d人出黎先~

哈哈~ 

但係d手信已經派晒啦......

唔好意思呀~~~~

係歐洲返黎啦~   (其實都返左個幾星期.....)

去左布拉格、倫敦 & 巴黎~

真係每個地方都好靚~  好唔想返香港呀~

有時間o既話就貼d相出黎分享下啦~

不過三個地方之中，我最鍾意巴黎o既風景~  雖然法國人好冇禮貌，勁唔友善..... 

係布拉格，我媽媽差d俾人打荷包呀!!!  搞到我都唔鍾意布拉格d人囉..... 

布拉格d風景都係超級古色古香~  任何一個地方都可以影低靚相架~

倫敦d天氣勁古怪，明明天晴，忽然間可以落雨，落一陣雨又可以天晴返......  好難捉摸.....

巴黎就日日都好好天，陽光充沛~  曬到黑左添~  但係巴黎o既陽光，曬黑都值o既~

到我抖返一排，先搵朋友仔出黎啦~

88~